Galdera ikurrak
Zergatik?
Galdera ikurrak sentimenduetan, ekintzetan, jokabideetan.
Egiten dugun orok al du erantzuna?
Filed under: Egunerokoa | 1 Comment
Mrs INDARTSU
Oztopo bat. Bide berria, oztopo berdina. Behin eta berriz, irainka. Oztopo, oztopoa ipintzen dizutenak dira, ez beste inor. Ez pentsa alderantziz, ez da horrela eta.
Altxa zara, behin eta berriz. Bide berriak frogatu dituzu, oztopoak gainditu dituzu. Maiz ibili nahiz bideetan zehar zurekin eta oztopo bat izan duzun guztietan gainditu duzu. Indartsua zara. Indartsu, oztopo oztopoa jartzen dizun hari burua makurtzeko eta zuk burua altxatzeko. Indartsu, datorren oztopoari aurre egiteko eta gainditzeko.
Gaur, aurrea duzun oztopoa burumakur utzi behar duzu. Indartsuenetan indartsuena zara, sinets ezazu.
Filed under: Mr / Mrs | Utzi erantzun bat
Nola soinu, hala dantza
herri baten doinuan hezi naiz. Oilarraren kukurrukuak badu bere tokia egunaren argitan, eguzkiaren berotan tabernako pintxoak eta kukuaren kukuak oheratzean. Erlojuaren orratzek denboran kokatuko ez duten soinua da hizkuntzarena.
Soinu guzti hauek osatzen dute nire herriaren eta nire doinua, zaratak at utzita. Bakoitzak hautatzen du ze doinutan egin nahi duen dantza, nik nerea hautatu dut.
Filed under: Egunerokoa | Utzi erantzun bat
21:00
Erlojuaren norantzak adierazi dit unea dela. Iritsi da ordua.
Filed under: Egunerokoa | Utzi erantzun bat
Lehian
Ni eta ni. Alkarren parean.
Bihotza eta itxura, lehian. Margotua dut bihotza, koloreztatua. Ispilu aurrean nago, margotu nahian, agerian dagoen itxura desitxuratu nahian. Balio gehiago izango balu bezala. Bihotza ostendurik? Ispiluan islatzen da.
Bihotza eta bihotza. Alkarren parean.
Filed under: Egunerokoa | Utzi erantzun bat
Taberna zulotik
by Cirileta
Zigarroaren kea, zerbeza bat. Prefabrikaturiko ametsak, betikoak. Zigarro errautsen moduan, labaintzen. Kristalezko burmuin hauskorra, paperez eginiko ilusioa, margoturiko irribarrea.
Zigarroa itzali da.
Filed under: Egunerokoa | Utzi erantzun bat
mara mara
Elur malutak herria estaltzen dute.
Gustoko dut ohial arteko berotasunean elur malutak ikustea. Barne eta kanpoa, hotza eta beroa. Gustoko dut antonimia egoera hori. Lehiotik begiratzean ez dut parkean umerik ikusten, elurrez estalia baitago. Ez ditut elur malutak beren ibilbidea ez dena egiten ikusten. Goitik behera.
Eta ni, ohean etzanda, parkean umeak imaginatzen.
Filed under: Egunerokoa | 2 Comments
Zera kontatu dit:
by Jesus de Andrés
“Harri bat naiz.
Harri haundi bat aldamenean ipini zait; harri txiki bat naiz.
Bestaldean harri txiki bat ipini zait; normala naiz”
Jada ahaztu zaio harria dela.
Filed under: Kurt | Utzi erantzun bat
-
Argazkiak
More Photos
